小寶(●´ー｀●) + 啤啤 = Somthing Blue 幸福窩

呢排好煩的就係.... 忙緊big day當日的流程以及兄弟姊妹的工作安排~

我發現呢樣野真係好難搞.... 我睇完啤啤d兄弟當日rundown, 就真係頭都暈~直頭係投晒降添呀!

加上要諗遊大運的路線, 我又好多地方都想去, 但啤啤就話唔夠時間, 所以又要取捨....

而我又好想去大三巴度影... 又想去威尼斯人, 同主教山, 度度都好靚, 好想留返幾隻腳毛係度... haha~~

不過ray不斷話... 2個景點就已經無晒時間了>"<

加上大三巴的交通不方便, 路線很少可以到達, 啤啤又說遊大運不可路過醫院, 墳場等地方,

但最後商討, 我仍然堅持要大三巴, 現在就留有大三巴&漁人碼頭呢兩個點喇...

啤啤就已經開左一次兄弟會議, 但因為當時rundown未出, 佢都話無咩傾, 我今天都會同班姊妹開會, 可惜大家好難夾到一個都ok ge時間,

所以始終有姊妹係未能出席, 唯有之後我再同佢傾返啦~

暫時的rundown都已經出左, 等我再整理好d, 先同大家分享下啦