小寶(●´ー｀●) + 啤啤 = Somthing Blue 幸福窩

今天是過大禮的大日子, 呢排真係忙到七彩, 我都係之後先補返呢篇文章~

因為我不能在場, 也剛好這天我要去上課, 所以我也不用特別去躲起來, 哈哈~

但我又很想知道當日的情況~ 所以叫也有叫妹妹為我現在轉播, 好讓我也知道這天的事嘛!

一般人都是晚上兩家人一起吃飯, 但因為我家人有些晚上要上班, 以及RAY的親戚也都在, 所以我們就決定改為中午去飲茶了~

非常熱鬧開心呢!!!
好多好多個煎堆呀!!龍鳳對餅

好重身GE鬆糕~

奇華嫁喜禮餅~ 禮盒~



啤啤好唔捨得GE大大大大大利是~禮金一大封~哈哈

相信好多人都想知而家GE習俗係點, 其實我地都簡化左好多....

男家準備方面:

海味各款(每樣都2包, 因到時會回一半), 白酒/洋酒4支, 龍鳳對餅2盒, 中式餅4盒, 椰子2對, 水果籃2個, 茶葉4罐, 芙蓉扁柏

女家準備方面:

可看男家要多少煎堆, 鬆糕, 毛巾等物品, 啤啤媽媽就不要其他...所以我地只準備了100個煎堆和2底3斤的鬆糕就OK, 以及芙蓉扁柏


男家去到女家, 女家要將男家的物品都回一半, 禮金除外(只回意頭數尾數888), 好像我有弟妹, 男家也要準備定姨仔金以及舅仔金各一封

另外但凡當天有到的人士都要俾利是的啊!! 每一份拎去女家或男家的東西, 亦要"責"兩封利是

利是方面最好雙方都準備一封包羅萬有金, 以取代其他省略了的物品, 就萬無一失了!


完成之後, 下一項大任務就係派帖!!!!