小寶(●´ー｀●) + 啤啤 = Somthing Blue 幸福窩

呢排好多野搞, 一樣接一樣, 發現真係好多野未做好~ 姊妹裙其實一心打算去廣州做的, 但又心郁郁都係成日上淘寶睇下~

係淘寶真係豐儉由人~ 幾十至幾百都有~ 我今次很希望可以用長裙, 因為真係覺得靚d, 但d color就仲未firm好到底用返tiffany blue or 我最愛的pink~
 
tiffany blue的裙選擇就不多, 因為好少有呢條色ge裙, 試過搵我係泰國見到ge 一條裙...好靚好靚, 搵d來圖定制的公司...

一間就話要400, 好貴呀!! 400人仔, 即係成5百幾蚊一條!! 一間就話要寄個版去先得, 搞錯, 咁都叫來圖定制???

所以最後都放棄了個條款~ 只可以睇下d 現成淘寶的~

現成的最擔心就係品質同色, 因為始終睇唔到摸唔到, 大家都知, 同一張圖, 淘寶可能幾百間, 幾千間都賣緊, 品質卻可能差之千里. 有間睇落去品質唔錯的, 都係好貴... 實在買不下手....

又問了一間價錢ok, 款都ok的, 但偏偏只有乳白色, 我當日著婚紗, 咁咪全部人都一樣色???

最後再問了一間... 打算中間腰的部份才改成tiffany blue... 一樣照樣乳白色, 啤啤都係不贊成....嗚...好苦惱...

但原本打算4月底去廣州的, 現在因為啤啤"又又又又又又又又"做兄弟...只係作罷...未知何時才能去....

實在是好心急啊

於是乎我就走左去三盞燈個頭, 都有幾間賣姊妹裙的~

但係問了日本城對面2間, 一間就話8條的話, 一條約400左右, 視不同款不同, 另一間買8條都要600~700, 貴到媽媽都唔認得, 決定放棄~

由之前做姊妹個陣, 已領教過ROSE的差差差~ 再加上其中姊妹講左不能再用個間, 所以都不考慮, 睇黎只能抉擇淘寶或廣州了