小寶(●´ー｀●) + 啤啤 = Somthing Blue 幸福窩

呢段日子開始不停咁比較花店及場地佈置公司，價錢普遍要6千至萬8甚至2、3萬都有，真係花多眼亂！

自己初時預計了一定要做攝影區，但報價基本要在萬2以上，而且每間材料也不盡相同，暫時仍然未搵到心水店舖，令到覺得擺幾個鐘的佈置相差上一萬的話，真的好像不值得！

現階段還在心大心細要不要攝影區，主要貴在多了一塊背板的裝飾而已，但價錢就相差幾千或以上，如果是背板要噴畫的單單個幅畫就一定要5千以上了，但自己真的沒心水一定要用背畫，就算不用背板，也還未找到一間合預算而且又合要求的花店。一些合預算的，裝飾又不合心水，一些較合心水的，偏偏是佈置也要一萬，還未計花車等佈置，暫時價格也偏貴，還在比較中。

以下係幾間我地比較過的店（意見純粹個人認為）

珍珍花店（龍園百佳）價格一般，約6000～10000，佈置的款式也是一般，大多要自己問老闆娘包咩唔包咩咁樣，而8000元左右就已有一般基本佈置。

緻妍舍（粵華燒味對面）報價頗有條理的，去到報價已有3個PLAN，淨花車1個PLAN，價格由6XXX～15XXX不等，6千多元的有基本野，但無門框，入場花柱等等，由於我地係漁人碼頭3號廳，故亦要加500元，暫時認為12XXX已算是比較不錯的選擇。

千慧花舍（啤利喇街）價格較高的一間，亦有多種PLAN可選及加購，基本上想要的都可以去做，例如較新穎的紙藝佈置，只要有預算就OK，佈置算是較好亦比較有口碑的。不過對我們來說還是太貴了些～

精心創作（栢蕙）報價有條理，亦是較有口碑的一間，有多個PLAN可選擇，各個項目亦有清楚報價；連花車的基本是1萬左右，但此PLAN不包留影區，另亦有較多佈置的約為15XXX，有些東西亦可自己加錢，亦是如有預算可以做得很靚的一間。但由於我地係想用老爺車去做花車，佢呢方面花車要加1200，我地就覺得太貴了，只係睇過佢的佈置係有多過人地，連車頂都有整埋的，所以都算係貴得有原因，至於值唔值～就見人見置～

晶盈軒（沙梨頭）較便宜的選擇，淨花車花球手花約3000，場地佈置只有一個PLAN約8XXX，制作就比較一般，沒有太大驚喜。但加留影區背板連裝飾（當然係用布啦）只係900～係暫時所見加呢樣最平GE～

JNC（香港公司／駐澳門嫁世堂）很喜歡這間的DESIGN，做得可以很有個性，有大量紙藝係該公司較特出的方面，價格算是中上吧，如要用紙藝創作的，BASIC都要1萬，我地係漁人碼頭細廳擺，個台還要加2千蚊呢！所以頗貴，不過有我地想要的TIFFANY BLUE色調～

VISUAL（荷蘭園）較新的創作公司，同JNC一樣主打DESIGN，可以有自己主題，再同設計師溝通，早前係CTM個度見佢做PROMO，18XXX有晒場地佈置花車花球等等，如以紙藝同DESIGN方面，都算係不錯選擇。

NCM（近盧九啤利喇）亦是較新的創作公司，BASIC PLAN約1萬3，都有幾個PLAN可揀，有互動投射係比較特別的地方，佈置方面都不錯，價格我們認為中上。