小寶(●´ー｀●) + 啤啤 = Somthing Blue 幸福窩

2011年11月11日呢個咁特別ge日子, 我地就係去左影我地ge第二輯Pre-Wedding喇~

佢要我地好早去到, 9:30呀!!! 真係好早!! 我地係台灣個陣都唔洗咁早!! 前一晚又一定係唔夠瞓咁去~

我搽左個陣係台灣用剩的一支Mary Queen安瓶就出發喇

今次係第二次黎呢間非常婚禮, 係我地尋日揀衫個度行入d的地方, 發現都已經有一對出發影相, 一對化緊妝(佢地仲早黎= = 可能影好多啦), 我地先放底行李, 因為我地帶了頗多的道具黎, 有我地ge結婚鴨仔, 4隻LOVE小熊, 仲有帶左即影即有相機...鞋呀個D咁, 所以我地係要拖左個細唿先夠裝~

佢俾左個LOCKER我地放野, 我地就開始食早餐喇(麥當當), 個度有得上WiFi ge~ 期間有個男仔話佢叫小傑, 係我地今日影相側拍的攝影師, 我自己帶左佢地ge catalog過去睇, 有講邊d邊d場景的, 但佢地之前個日同我地講左好多VIP ge我地唔影得, 可能我地個plan平啦~ 但我話個陣我地問佢又話全部都影得~ 佢地又話個陣sell我地個sales返左廣州, 即係羅生門囉~

食飽飽之後我就換左衫先, 之後就化妝啦, 就係呢個時候我發現我揀ge裙有第二個女仔著左, 尋日又話唔可以ge? 又話有人book左同一日就唔得ge? 滿腹的疑惑同覺得他們騙我>"< 跟住講返化妝喇, 我自己有左一對假眼睫毛去, 係比較勁的款的, 個化妝師就無再sell我再加佢d眼睫毛, 本身我個package入面有包一支安瓶ga, 但佢都無問我要唔要個d咁, 一黎就化囉! 佢化得都算純熟ge, 化妝品方面本來就無咩期望佢會用靚野.... 不過set頭方面我就唔係話好滿意, 我地會影左外景先, 就係佢地ge私家莊園~

因為要坐車出去, 所以我地化好之後就已經要出發, 都有其他新人係同我地一齊去的, 大概係3pair, 我地見有一pair係有個攝影師不斷問佢d相想要邊種風格, 就好似台灣個陣影相咁ge溝通, 個陣我地就諗唔通人地貴先有? 點解我地無ge?

跟住原來個莊園其實都好近下, 不過d野都有d殘了... 大概就係有木屋仔, 有花海, 有木板橋等等, 我地影左唔係好耐, 大概4,5個字就影完, 見其他pair都仲影緊, 之後就車我地返去先(可能我地少相所以唔係影咁多掛)

回去就換衫啦~ 我個時就問幫我換衫個個女仔~ 點解人地可以著我揀個條, 又話有人book就唔得~ 但明明見到人地都係咁, 跟住佢就話, 其實如果2個都ok~ 只要唔係同一件影同一地方都可以~ 之後話我都可以轉, 但又話個條影外景會靚d, 係囉, 我就係開頭都咁覺得, 而家如果轉左, 又話我影露台大長拖尾唔係咁合適, 所以結果都係無轉到.

換了第二套紫色ge~ 都係換完就化妝, 同時佢地都問埋我地一陣叫咩外賣, 會有張餐單紙俾我地睇下咁, 之後我地就係度等呀等~ 等呀等~ 結果都係無再影到, 等到d野食到黎埋, 食完之後又係等.... 之後先有得影.... 紫色ge我地係影城入面影, 本來想話揀一d場地, 但個攝影師都完全無問, 之後我問係咪只可以揀5個景, 佢就話, 幾多個景都ok~ 咁個陣我都幾開心~ 諗住幾好wo~ 不過其實都影得幾快下....就影完= =等幾小時只換來十幾廿分鐘....

如是者再換第三套, 我今次係粉紅色ge~ 連啤啤都襯返左套粉紅西裝, 今次又係等好鬼耐, 就上去露台影, 露台不大, 不過事後我地最滿意都算係呢批相~

last套衫就係婚紗~ 象牙白色長拖尾~ 係我很喜歡的lace ^0^ 呢套都係影城入面, 我特別問佢要左長手套~ 中間影左一陣就除左, 唔想全部都一樣嘛, 但又想有下手套咁~

結果影完晒個陣, 到換衫, 發現全部人都走了@o@, 就覺得好激氣, 因為好似影晒人地先影我地咁... 唔通平就唔可以有好ge待遇??? 呢樣真係好嬲!!!

個度有卸妝用品, 所以我都叫啤啤落左先返去~ 因為佢上住粉出街都有點怪~

另一樣唔好ge~ 就係走個陣, 因為個女仔係負責跟我衫ge, 佢就係咁係度睇住我寫邊個好(類似masalili會讚當日服務的人), 我覺得係俾緊壓力我寫佢, 雖然最後我都寫左佢, 因為事實佢都有盡責ge, 只係最後呢樣唔太好~ 攝影師我就無投佢喇, 因為真係唔多好~ 所以我一定唔投~