小寶(●´ー｀●) + 啤啤 = Somthing Blue 幸福窩

一波三折之下... 一直未能決定大日子的日期

因為又要配合搵酒店的期, 地點, 考慮的價格等等多種因素, 最後我地再三問左一些日子

結果大陸個邊俾出來的日子得返5日...真係好難揀呀!!

同埋又話我地2個最好GE日子係12月2日, 咁同我姊妹YON又撞日子, 啤啤都知我一定唔會揀個日, 但係父母一定覺得係人生大事, 無謂因為朋友而耽誤了, 唉... 但是我地唔難做, 其他姊妹都難做丫...點樣走2邊呀? 要佢地抉擇咩我又做唔出...

所以我就走去新馬路問埋鄭白擇日, 睇下邊D日子好D...可能問多間比較下...夾下會好D...個心係咁諗~

因為係第一次去問呢D野, 覺得真係好神奇的體驗, 唔知鄭伯係點樣計日子的....

一連串咁講左好多時辰GE野, 我當然聽唔明, 到佢叫我抄低日子我就照寫囉

佢叫我決定好日子再去問佢邊D吉GE時辰咁, 佢GE費用已經一次過包晒...(包之後問過大禮, 上頭, 出門, 註冊的日子時辰)

其實我地一開始已經有D心水日子, 我覺得今次問下純粹係更加安心同CONFIRM一下咁GE心態~

所以同啤啤傾左一輪, 決定都係我地當初的時間, 9月17日(一), 但啤啤又擔心我的親戚麻煩要請假, 想就返星期六日, 咁我就決定聽日再問下9月29日(六)漁人碼頭係咪真係俾人落晒訂...

同埋我當時已經問埋鄭伯, 會唔會話落地下擺酒唔係咁好, 鄭伯好搞笑咁話"唔好信埋D八婆講GE野...咁唔通個個都要去觀光塔擺酒, 最好上60樓擺添呀"我覺得都算係一掃疑慮JE

呢度就係9月17日漁人碼頭暫時幫我地HOLD左GE HALL3, 如果我地落實9月17日擺酒, 就會係咁GE樣啦^^

覺得都幾好, 入場係一大直路...而且無柱位, 大家都可以睇得到丫~

OF COS我地係真係好想擺星際, 只可惜問了2次都無期...漁人碼頭9月29日又係...3個HALL都FULL BOOKING丫~ 可能係因為個陣係農曆8月, 同埋星期六特別多人會揀啦!!

9月17日 VS 9月29日  要作最後決定啦!!!