小寶(●´ー｀●) + 啤啤 = Somthing Blue 幸福窩

自從mama係9月要買金for表姐結婚, 個陣d金價去到19xxx, 真係嚇到人都癲幾驚佢一上左去落唔返黎~

跟住我就日日睇實d金價, 仲一邊做埋網上reseach睇下其他姊妹係點樣買金揀金...做下功課嘛~ 準備隨時出擊!

呢個金價網頁就係我平時睇開金價ge網, 澳門呢邊就係睇佢個價減返$10, 就係當日的港紙金價, 目前為止我睇過都係100%準確!

如是者日日係度睇....終於有天個金價去到16550~ 個陣真係好心動好想去買呀!!!!

同啤啤走左去六福睇, 因為之前係某個姊妹的blog睇到, 都應同佢所講, 3隻ge豬牌指3代同堂好好意頭, 就都心郁郁想買3隻豬牌~ 仲要六福個度有唔洗一兩ge豬牌添~
個日就去噴水池個間, 叫佢計完個價之後, 好似係18xxx, 咁我地其實都係問下價先, 未有打算買, 同埋睇左個款都唔錯, 就想等金價再跌d先考慮啦~

其實係之前我地都去過點晴品, 周大福同六福等等睇d金戒指呀咁... 我覺得花花型ge都幾靚.... 同埋點晴品的款反而唔係咁多, 六福同周大福會多d
龍鳳鐲我就無好認真去睇, 覺得d款好似都差不多咁~

希望d金可以跌多d呀...