小寶(●´ー｀●) + 啤啤 = Somthing Blue 幸福窩

這天我和雄啤啤去HK~ 決定SHOPPING之餘要周圍睇下戒指, 所以前一晚我就已經上網找了好幾間香港人較常去買的店, 仲搵埋地址添~

呢日我地就照樣出發後, 先去左深水埗, 去食左啤啤最愛的茶餐廳同腦場~

我地去了FOREVER COUPLE，根據地址，摸到上去，係一間樓上店，去到時都有2PAIR人睇緊，個地方好細，我一入去就見到佢地招牌GE 90度刻字戒指，

仲可以係入面內環刻指模同簽名，真係好特別。好快咁就有位店員請我地過去坐，然後問我地想要邊D款咁，都拎了好多款俾我地睇同試，真係幾喜歡將指模刻係入面。

我地叫佢計過個價，發現如果90度刻字，且圍邊要有鑽PT950的話，要成3萬幾一對，仲話已送了入面刻指模的費用，聽完不禁一額汗，實在超出預算太多了！

就算唔要鑽，都要26XXX一對，仲係太貴。。。。＞“＜。。。。雖然個款真係好喜歡，但個心已經知唔會買佢。

我地係FOREVER COUPLE一睇就睇了2小時，結果無晒時間去其它店。

後來去到銅鑼灣，我地見仲有D店開，就去睇下

J‘s﹣D款一般，無特別心水，亦唔算好平

cf2﹣係周大福比較年輕的LINE～D款得1款睇得上眼，但啤啤先生都係覺得唔好睇，價錢比平時金舖貴一點點啦

MABELLE﹣去個陣做緊折，D價都算幾實惠，尤其我地睇完天價戒指之後，更覺得佢好抵

六福，周大福﹣依然是經典款較多，同澳門的亦差不多，沒太大驚喜

周生生內的點晴品﹣D款似乎係新D，但不合心水

結論就係。。。因為最哀我地睇晒D貴野先囉，搞到之後D款睇極都唔覺得靚，個對戒指就好似烙印咁，令我一直都咁掛住佢。。。唉