小寶(●´ー｀●) + 啤啤 = Somthing Blue 幸福窩

2011年11月14日(星期一)

決定的起心肝去睇結婚戒指了! 之前去買金器個陣都有同YON佢地一齊睇下款...個陣覺得D款都係好普通無咩心動感覺...
睇睇下就變左陪我睇金器添~

上次去睇過周大福, 六福, 3-D GOLD(金至尊), 盛豐等等的大行, 都係咁GE感覺...

今日我就同啤啤主力想去睇下係威尼斯人入面的 THE KISS, 因為平時我都喜歡佢的銀戒指.... D款好靚呀!!

咁去到呢, 我地見到奇華又入去睇下D囍餅款, 可能呢間不是主力SALE呢D, 所以我地個日見款唔係咁多, 但睇落都OK GE...價錢亦合理

亦有一些係淨白金無鑽的款, 就照白金價去計~ 計返其實都幾平下GE, 大概2800~5000都有交易~ 果然係豐儉由人~

行完見對面有點晴品, 又入去睇下, D款都係無咩話好驚喜, 不過我地就見到有8心8箭美鑽鑲的18K戒指, 做到月底都有85折, 算係唔錯~

價錢亦都可以, 大概都係萬鬆一對咁... 同場有做一個日本牌子的純鉑金, 價格就貴多了, 要成萬數一隻!

之後我地去左THE KISS, 價格都幾貴下... 某D款係特別, 但整體都沒有大驚喜, 其實最吸引係因為之前見到佢會送一個刻左一對新人名GE結婚戒指盒, 仲好靚GE添!!

咁行完喇, 見到TIFFANY~ 就話不如都入去睇下... TIFFANY的婚戒款唔多, 大都係簡潔的款式, 我問過一對有3粒鑽鑲鉑金的, 就約$13XXX一隻....絕對OVER BUDGET!!!

暫時黎講THE KISS同TIFFANY GE價都係咁上下~ 啤啤就覺得TIFFANY D款好普通...

所以我地會再去睇下D其他款GE ^^