廣州婚紗街購物篇－小寶(●´ー｀●) + 啤啤 = Somthing Blue 幸福窩

哈, 好懶咁咁耐都無updata個blog~

原因係我同啤啤都放緊大假... 不過為左save$$, 就無出去大旅行...只係周圍走下咁.,.但節目都好豐富ga!!

我地係6~8/11/2011去左廣州, 今次主攻婚紗街, 買定一些用品...同埋睇下傢俬咁!

今次我地決定住係附近的7天連鎖個度, 點解唔揀好多人都住ge天一??

因為天一要3xx, 而7仔就只係17x, 真係差好多...又唔係遠好多wo... 真係打的都平過~ 我地仲住兩日添!! 梗係揀間平d啦...而且環境都唔差丫~

好啦~而家即刻去片啦~

下面呢度就係婚紗街ge後街, 入面係咩都有ge...婚慶用品呀, 姊妹裙呀, 婚紗全部都有, 裙個d就大多比婚紗街平, 但係其他用品就唔一定喇, 最好格下價~

個日我地無咩影相...因為時間好緊迫, 同行的YON同KING係即日來回, 更加係急急急呀~ 一開始因為想格多幾間, 都無咩買到野~

而係後街入面YON就睇過姊妹裙都不錯, 開價都係12X一條咋!!

行到時代個度都無咩好行~ 又好肚餓, 所以就去左隔離一街一間叫"煮飯婆"的店度食^^

吃飽飽後就打的去左萬菱個度, 真係次次去個度都係咁鬼多人咁鬼亂~

呢度其實都有些小禮物可以買黎做下回禮GE, 不過我地就唔多啱, 之後就去隔雜個度買D利是封呀咁~

最後發現個邊D舖都係無咩好行, 就決定返返去婚紗街, 我地等車等左好耐都無的士, 就行路去地鐵站搭地鐵喇~

原來行仲快過等車囉- -

出左站就係好百年度, 買左紙杯呀, 上頭個D, 最後仲買左茶壺套裝~ 因為YON佢地好急走, 所以最後佢地就買返囍字貼個D, 我就留返第日再睇下先~

今晚的戰利品如下~

利是封中型：$10/50個, $8/50個, $2/16個
包羅萬有&禮金封：$3/個
利是封長型：$3/6個
：

剪紙款茶壺套裝$58/套

上頭套裝：男女各$10/套
大紙杯$4/50隻

囍字貼紙(大)：$6/張

第二日原先我地想出去搭接駁巴士到百利~ 因為聽講有成8層...諗住實好多野買~

點知行到去個個停車場等又唔多覺有車, 之後問下個度D管理員, 佢地話個度都就快執~ 叫我地都唔洗去@@

真係無諗過會咁囉!!! 咁快就執???

所以我地唯有去行下對面個條婚紗街同埋好百年啦, 因為尋日去到都好夜, 好多都收左工, 今手先有時間再行下

今日GE收穫就豐富好多了^^